Жыл басынан бері Astana International Exchange (AIX) биржасындағы сауда көлемі 1 млрд долларға жетті, деп хабарлайды Halyq Uni.

Осылайша, биржа ашылған 2018 жылдан бері сауда көлемі 2 млрд доллардан асты.

Сауда көлемінің 2 есе артуы жергілікті нарық мүшелерінің белсенділігіне, шетелдік жеке инвесторлар мен институционалдық инвесторлардың көбеюіне және биржада шығарылған құнды қағаздар санының артуына байланысты, - деп жазылған AIX биржа таратқан хабарламада.

Бүгінде биржада 230 құнды қағаз тіркелген, оның 100-і биыл тізімге қойылды.

Бізге биржадағы доллар сауда көлемін 1 млрд долларға жеткізу үшін 5 жыл керек болды, ал 2 млрд долларға жету үшін 10 айдан аз уақыт аралығында қол жеткіздік. Бұл 5 жыл ішінде құрған инфрақұрылымның арқасында мүмкін болып отыр. Осындай тұрақты фундаменттің арқасында біз мүмкіндігімізді кеңейте беруге және Қазақстанның қор нарығын дамытуға дайынбыз, – деді AIX биржасының басқарма төрайымы Әсел Мұқажанова.