Басты бет Жаңалықтар Интернет-алаяқтардан қалай қорғануға болады?

Интернет-алаяқтардан қалай қорғануға болады?

Дәурен Ерболат

Күмәнді сілтемелерді ашпаңыз

Фото: Halyq Uni

Цифрлық даму министрлігі қазақстандықтарға интернет-алаяқтардан қорғану үшін «Стоп-кредит» (Банк несиесі, микрокредитті алудан ерікті бас тарту) қызметін іске қосылғанын еске салды, деп хабарлайды Halyq Uni.

Енді қызмет eGov mobile қосымшасында және «Электронды үкімет» веб-порталының басты бетінде қолжетімді. Қызметті ЭЦҚ арқылы немесе логин мен парольді қолдану арқылы қосылуға болады.

Ол үшін сайттың басты бетінде «Сервистер» бөліміне өтіп, «Банктік несиелерді, микрокредиттерді алудан ерікті бас тарту» опциясын таңдау керек, - деп жазылған хабарламала.

Қызмет шексіз іске қосылады және азаматтың өтініші бойынша өшіріледі.

  • Министрлік төмендегі ұсыныстарды орындауға шақырады:
  • Әр түрлі аккаунттар үшін күрделі және бірегей парольді пайдалану;  
  • Құрылғылардағы бағдарламаларды үнемі жаңартып отыру; 
  • Күмәнді сілтемелер мен хабарламаларды ашпау; 
  • Антивирус бағдарламасын пайдалану;
  • Жеке ақпаратты бөгде сайттарға және қосымшаларға енгізбеу; 
  • Аккаунттар үшін екі факторлы аутентификацияны пайдалану;  
  • Әлеуметтік желілердегі құпиялылық параметрін тексеру;  
  • 1414-тен келген кодтарды басқа адамдарға бермеу;  
  • Банк реквизитін басқа адамдарға айтпау.