Басты бет Жаңалықтар Қазақстандық оқушылар күзгі каникулда неше күн демалады

Қазақстандық оқушылар күзгі каникулда неше күн демалады

Динара Амантай

Министрлік іс-шаралар жоспарын ұсынды

Фото: Halyq Uni

Қазақстандық оқушылар күзгі каникулда 7 күн демалады, деп хабарлайды Halyq Uni.

Қазақстандық мектептерде бірінші тоқсан аяқталуға жақын. Күзгі демалыс кезеңі 2024 жылдың 28 қазаны мен 3 қарашасын қоса алғанда жеті күнге созылады.

Министрлік мектеп оқушыларының күзгі демалыстағы бос уақытын тиімді өткізу және жеке тұлғалық қасиеттерін дамыту мақсатында «Біртұтас тәрбие» бағдарламасы аясында іс-шаралар жоспарын ұсынды. Жоспар патриотизм, әділеттілік және жауапкершілік сияқты құндылықтарды дамытуға бағытталған іс-шараларды қамтиды:

  • «Балалар кітапханасы» жобасын іске асыру шеңберінде «Демалыста кітап оқимыз» мектепішілік іс-шарасы;
  • «Буллингтен қорған!» қауіпсіздік сабағы;
  • Мектеп оқушылары үшін «Күзгі асар» жәрмеңкесі;
  • «Мектеп театрының» жұмысын ұйымдастыру ұсынылады.

Бастысы – балалардың қауіпсіздігін қамтамасыз ету. Осы мақсатта ата-аналармен бірге жол-көлік жарақаттарының алдын алу іс-шараларына, мектептің ішкі тәртібін сақтау, балалардың көшеде қауіпсіздігі, үйдегі өрт қауіпсіздігі және киберқауіпсіздік шараларына ерекше назар аудару қажет.