Желіге қосылу жылдамдығы 3 есе артты
Республика бойынша 1800-ге жуық мектеп сапалы интернетпен қамтамасыз етілді, деп хабарлайды Halyq Uni.
Оқу-ағарту министрлігі Цифрлық инфрақұрылымды дамыту бойынша Қазақстандағы білім беру ұйымдарын жоғары жылдамдықты интернетпен қаматамасыз етуге қатысты жұмыс жүргізіп жатыр.
Ақпаратқа сәйкес, бүгінде STARLINK спутниктік интернеті 1 798 мектепте орнатылған. Осы арқылы интернет желісіне қосылу жылдамдығын 3 есе арттыруға мүмкіндік туды.
Сондай-ақ, 81 мектепте интернетке қосылу жұмыстары аяқталып жатыр. Өткен жылдың басынан бері сапалы интернетпен қамту көрсеткіші 19%-дан 89,5%-ға дейін артқан.