Павлодарда сот мұғалімді пышақтаған оқушыға үкім шығарды, деп хабарлайды Pavlodarnews.kz.

Оқыс оқиға биыл мамырда қаладағы №14 мектепте болған. Екі оқушының арасында ұрыс шығып, мұғалім оларды ажыратпақ болғанда пышақ жарақатын алған.

Полиция кісі өлтіруге оқталу бабы бойынша қылмыстық іс қозғаған. 4 айдан соң оқушыға қатысты сот үкім шығарды. 

Дәрігерлер жасөспірімге шизофрения диагнозын қойды.

Күдіктіге қатысты жалпы үлгідегі психиатриялық стационарда мәжбүрлеп емдеу шарасы қолданылсын, – деп жазылған облыстық мамандандырылған ауданаралық соттың үкімінде. 

Оқушы дәрігерлердің бақылауында болады. Психикалық ауытқуы бар айыпталушы қылмыстық жауапкершіліктен босатылды.

Үкім заңды күшіне енген жоқ.