World Boxing ұйымына 44 мемлекеттің бокс федерациялары енген
Ұлттық Олимпиада комитетінің президенті Геннадий Головкин Халықаралық бокс федерациясы (World Boxing) Олимпиада комиссиясының төрағасы болып сайланды, деп хабарлайды Halyq Uni.
Геннадий Головкин World Boxing ашықтығын қамтамасыз ету үшін халықаралық спорт ұйымдармен бірлесіп жұмыс істейді. Сондай-ақ ол боксты Олимпиада ойындарының бағдарламасында қалдырып, World Boxing ұйымын ХОК мойындауы үшін халықаралық Олимпиада комитетімен тығыз әріптестік орнатуы шарт, деп жазылған ҰОК таратқан хабарламада.
Айта кетейік, World Boxing былтыр сәуірде құрылған. Қазір ұйымға әлемнің 44 еліндегі ұлттық федерациялар мүше.