Алматы қаласының прокуратурасы мен полициясы есірткі қылмысына қарсы маркетплейстермен бірігіп күреседі, деп хабарлайды Halyq Uni.

Қалалық прокуратура мен полиция «Яндекс Еда Казахстан» ЖШС-мен меморандумға қол қойды. Сондай-ақ «Озон маркетплейс Казахстан» компаниясымен ынтымақтастықты бастады.

Ынтымақтастық құқық бұзушылықтың алдын-алу және есірткі қылмысына қарсы іс-қимыл саласындағы мемлекеттік саясатты дамытуды көздейді.

Өзара іс-қимыл шеңберінде жарнаманы және тыйым салынған заттарды таратуды тоқтату көзделген. Аталған іс-шаралар Алматы тұрғындары үшін қауіпсіз ортаны қалыптастыруға ықпал етеді.