24-26 қыркүйек аралығында Астанада Әзербайжан мәдени күндері өтеді, деп хабарлайды Halyq Uni.

Мәдениет және ақпарат министрлігінің мәліметінше, 24 қыркүйекте «Физули-530» кітабының тұсаукесері және этно-джаз концерті өтеді. 25 қыркүйекте Қазақстан мен Әзербайжанның ұлттық кітапханалары арасында меморандумға қол қою, Эльмира Ахундова кітабының тұсаукесері, сонымен қатар «Әзербайжан өнерінің жауһарлары» көрмесінің ашылуы және би ансамблінің концерті өтеді. 26 қыркүйекте Әзербайжанның заманауи өнері және Томирис иконографиясы туралы дәрістер өткізіледі.

Басты іс-шара 26 қыркүйекте Қалибек Қуанышбаев атындағы Ұлттық музыкалық-драма театрында өтеді. Гала-концертте Әзербайжанның халық әртістері өнер көрсетеді.