UEFA Ұлттар лигасының үшінші турында Қазақстан кезекті ойынын сырт алаңда Беларусь құрамасына қарсы өткізді.

Ойын барысында қазақстандық футболшылар тізгінді өз қолына алуға тырысты. Нәтижесінде бірінші кезеңнің 13-минутында Абат Айымбетов мергендігімен көзге түсті. Бұл - Абаттың аталған турнир барысында соққан үшінші голы. Бұдан бұрын өз алаңындағы Әзербайжанмен кездесуде ол қос голдың авторы атанған болатын.

Екінші кезеңде Беларусь құрамасы таразы басын теңестіруге ұмтылды. Ойынның 85-минутында беларусьтік Владислав Малькевич гол соғып кетті. Осылайша, бұл матч 1:1 есебімен аяқталды.

Енді Қазақстан 13 маусымда өз алаңында Словакия құрамасын қабылдайды. Үш ойыннан кейін Қазақстан 7 ұпаймен көш басында келеді.

Айта кетсек, бұдан бұрын С лигасы үшінші тобында Қазақстан Әзербайжан мен Словакияны 1:0 есебімен тізе бүктірген болатын.