Қазақстан 2024 жылғы Ғаламдық киберқауіпсіздік индексінде өз позициясын нығайтты, деп хабарлайды Halyq Uni.

2024 жылғы 12 қыркүйекте БҰҰ Халықаралық электр байланысы одағы (ITU) «2024 жылғы Ғаламдық киберқауіпсіздік индексі» (GCI) туралы баяндамасын жариялады. Жаңа әдіснамаға сәйкес, Қазақстан 100 мүмкін баллдың 94,04 балл жинап, екінші топқа (Tier 2 – Ілгерілеу) енді, деп мәлімдеді Цифрлық даму, инновациялар және аэроғарыш өнеркәсібі министрлігі.

GCI рейтингі киберқауіпсіздіктің бес негізгі бағытын қамтитын 83 параметрге негізделіп қалыптасады: заңнамалық, техникалық, ұйымдастырушылық аспектілер, әлеуетті дамыту және халықаралық ынтымақтастық. 2024 жылғы есепте елдердің киберқауіпсіздік саласындағы жетістіктерін дәлірек бағалауға мүмкіндік беретін жаңартылған бес деңгейлі талдау қолданылады. Деңгейлерге Tier 1 – Үлгі көрсету, Tier 2 – Ілгерілеу, Tier 3 – Қалыптасу, Tier 4 – Дамып келеді және Tier 5 – Қалыптасу сатылары кіреді, – деп қосты ведомство.

Қазақстан Tier 2 – Ілгерілеу тобына Қытай, Австрия, Канада және Әзірбайжан сияқты елдермен қатар кірді. Бағалауға әлемнің 194 елі қатысты. Алдыңғы есепте (2020/2021 жж.) ескі әдістеме қолданылған кезде, Қазақстан 31-орында тұрған еді. Жаңа әдістемеге сәйкес, еліміз «заңнамалық» және «ынтымақтастық» бағыттары бойынша барлық талапты орындап, жеткілікті техникалық деңгейін көрсетті. Алайда рейтингті одан әрі көтеру үшін ұйымдастырушылық шараларды күшейту, әлеуетті дамыту және киберқауіпсіздік саласындағы халықаралық ынтымақтастықты арттыру қажет.

Жаңа әдістеме 2023 жылдағы жұмысты бағалайды және индекс екі жылда бір рет жаңартылып отырады. Өз кезегінде, ЦДИАӨМ-нің Ақпараттық қауіпсіздік комитеті отандық компаниялармен бірлесіп, Қазақстанның халықаралық аренадағы позициясын жақсарту бағытында тұрақты түрде жұмыс істеп келеді. Толық есепті мына сілтеме арқылы көруге болады.