VI Дүниежүзілік көшпенділер ойындары 2026 жылы Қырғызстанда өтеді. Бұл туралы сол елдің Мәдениет, ақпарат, спорт және жастар саясаты министрі Алтынбек Максутов мәлімдеді, деп хабарлайды Halyq Uni.

Алтынбек Максутовтың мәлімдемесі Қырғызстан Мәдениет, ақпарат, спорт және жастар саясаты министрлігінің Telegram-дағы арнасында жарияланды.

Құрметті қырғызстандықтар! Барлығыңызды V Дүниежүзілік көшпенділер ойындарының ашылу салтанатымен және бүгін өтіп жатқан спорт ойындарымен шын жүректен құттықтағым келеді. Біздің Қырғызстаннан барған спортшылар өте жоғары деңгейдегі көрсеткіштер көрсетіп жатыр. Сіздерге жақсы жаңалығымыз бар. Қырғызстаннан шыққан Дүниежүзілік көшпенділер ойындары 2026 жылы өз мекені Қырғызстанда өтетін болды. Мәдениет, ақпарат, спорт және жастар саясаты министрлігінің және өз атымнан сіздерді құттықтаймын! - деді ол.

Айта кетсек, V Дүниежүзілік көшпенділер ойыны биыл Қазақстанда өтіп жатыр. Қазақстан әзірге жалпы жүлде қоры бойынша 1-орында тұр.