Президент KIA автомобиль зауытының құрылысымен танысты
Алғашқы көлік келесі жылы шығарылады
Фото: t.me/aqorda_resmi
Мемлекет басшысы Қасым-Жомарт Тоқаев Қостанай облысындағы KIA автомобильдерін шығаратын зауыттың құрылыс алаңына барды, деп хабарлайды Halyq Uni.
Президентке құрылыс жұмыстары былтыр қазанда басталғаны туралы баяндалды. Жоспарға сәйкес, конвейерден алғашқы көлік сынақ режимінде келесі жылдың шілдесінде шығарылады.
KIA Qazaqstan бас директоры Ким Дэ Ки зауыт 2025 жылдың қазан айында іске қосылатынын жеткізді. Автокәсіпорын бастапқы кезеңде Sorento моделін шығаруды жоспарлап отыр. 2026 жылдың қаңтар айынан бастап жаңартылған Sportage моделі құрастырылады.
