Бүгін, 9 қыркүйекте 5-ші Дүниежүзілік көшпенділер ойындарының алғашқы жеңімпаздарын ҚР Ұлттық спорт қауымдастығының президенті Исламбек Салжанов медальдармен марапаттады.

5-ші Дүниежүзілік көшпенділер ойындарында ел намысын абыроймен қорғаған спортшыларымызды шын жүректен құттықтаймын. Тартысты бәсеке әлі төрт күн жалғасады. Барша спортшыларға сәттілік тілеймін, - деді Исламбек Салжанов

Сондай-ақ ол аударыспақ спортынан ұлттық құрама мүшесі Ермек Құралбай мен садақшы Жәнібек Құлмырзаевты алтын медальмен, сондай-ақ дәстүрлі садақ ату спортынан Қасымхан Қанатты қола медальмен марапаттады.

Сайыс күнінің қортындысы бойынша, ҚР Ұлттық спорт қауымдастығының құрамына кіретін федерация спортшылары барлығы 9 медаль жеңіп алды. Оның ішінде 5 алтын: аударыспақ спортынан Ермек Құралбай (60 келі), Алмат Ләтіпбек (70 келі), Дарын Өткелбай (80 келі), дәстүрлі садақ ату спорты бойынша «Пута» нысанасынан Жәнібек Құлмырзаев және жамбы ату спорты бойынша Азия стилінен Батыр Бексауыт бар.

Жамбы атудан ұлттық құрама мүшесі Айтбек Сарыбай күміс медаль иеленді.

Қола медаль алғандар қатарында садақшылар Қасымхан Қанат және Айкөркем Батихан, сондай-ақ жамбы атудан Ералхан Айкөз болды.