Алматыда бір апта бойы ауқымды тазалық жұмыстары жүргізіледі, деп хабарлайды Halyq Uni.

Қала күні қарсаңында 9-13 қыркүйек аралығында «Алматы – біздің ортақ үйіміз» қалалық науқаны және «Таза Қазақстан» республикалық бағдарламасы аясында көшелерді, қала инфрақұрылымын, аула аумақтарын, балалар алаңдарын, субұрқақтарды, өзендер мен су айдындары жағалауын, саябақтар, скверлер мен тау баурайын тазалау бойынша ауқымды жұмыс жүргізіледі.

Бір апта бойы 25,1 млн шаршы метр аумақты алып жатқан 2 318 көшені, ұзындығы 2 777 шақырым болатын жолдарды тазарту жұмыстары қарқынды жүргізіледі. Айта кетейік, күн сайын қала көшелерінен 150 тоннадан астам қоқыс шығарылады. Магистральдық көшелер күніне екі рет, ал аудандық маңызы бар көшелер күнделікті тазартылады. Коммуналдық қызмет 56 жерасты және 78 жерүсті жаяу жүргіншілер өткелін, 1 765 аялдама павильонын, 480 бағдаршам нысанын, жарықтандыру құралдарын, көрсеткіштерді, туристік тотемдерді, қоғамдық дәретханаларды тазалайды. Сонымен қатар, 1 454 контейнерлік алаңдар санитарлық тазартылып, жуылып, залалсыздандырылады, 24 747 көше және аулалағы қоқыс жәшіктері тазартылады.

Қоқыстан тазарту жұмыстары аулаларда, балалар және спорт алаңдарында да жүргізіледі. Қаладағы субұрқақтарды, соның ішінде жаяу жүргіншілер субұрқақтарын тазалау, жуу және қайта жөндеу жұмыстары жалғасады. Алматыда коммуналдық меншік иелігінде 66 субұрқақ бар, оның 6-уы субұрқағы жөнделіп жатыр және 13 заманауи жаяу жүргіншілер сұрбағы бар.

250 шаршы шақырым болатын өзендер мен су қоймаларының жағалауы, саябақтар, скверлер мен тау бөктерлері де ретке келтіріледі. Апаттық жағдайдағы ағаштардың бұтақтарын санитарлық мақсатта кесу мен кесіп алып тастау жұмыстары жалғасады.

Айта кетсек, Алматы қаласы күні жылдағыдай қыркүйектің үшінші жексенбісінде атап өтіледі.