Қызылорда облысында тұрмыстық қалдықтар тарифі негізсіз көтерілген
40 мың жеке және заңды тұлғалардың құқығы қорғалды
Фото: Halyq Uni
Қызылорда облысында тұрмыстық қалдықтар тарифі негізсіз көтерілген, деп хабарлайды Halyq Uni.
Прокуратураның мәліметінше, Арал ауданында аудандық мәслихаттың шешімімен бекітілген тұрмыстық қатты қалдықтарды қайта жарату бойынша тарифтердің заңдылығына талдау жүргізілген. Оның нәтижесінде тарифтің негізсіз жоғарылатылғаны анықталған. Бұл тұтынушылар тарапынан заңсыз төлемдер төлеуге әкелген.
Прокурорлық қадағалау актісі бойынша, аудандық мәслихат жаңа шешім қабылдады. Онда ТҚҚ бойынша тарифтер төмендетіліп, нәтижесінде 40 мың жеке және заңды тұлғалардың құқығы қорғалды.
