Басты бет Жаңалықтар Көпқабатты тұрғын үйдің паркингінде екі көлік өртенді

Көпқабатты тұрғын үйдің паркингінде екі көлік өртенді

Динара Амантай

Өрттің себебі анықталып жатыр

Фото: Алматы обл. ТЖД баспасөз қызметі

Алматыда көпқабатты тұрғын үйдің паркингінде екі көлік өртенді, деп хабарлайды Halyq Uni.

Қалалық ТЖД мәліметінше, сағат 00:59-да Алмалы ауданының өрт сөндірушілері Евгений Брусиловский көшесіндегі 18 қабатты үйдің паркингінде 10 шаршы метр алаңда отқа оранған «BMV» және «Hyundai Accent» маркалы көліктердің жануын жойған. Өрттің себебі анықталып жатыр.

Ақпаратқа сәйкес, зардап шеккен адамдар болмады.

ТЖМ автокөлікті өрттен қорғау үшін көлік иелеріне келесі шарттарды орындау қажет екенін еске салады:

  • техникалық байқаудан уақытында өткізу;
  • электрониканы тек мамандандырылған орталықтарда орнату;
  • әрқашан жарамды өрт сөндіргішті көлік салонында ұстау;
  • қозғалтқыштың отын аппаратурасының жарамдылығын бақылау;
  • көлікте бөгде, тез тұтанатын заттарды ұстамау;
  • жанар-жағармай материалдарын тек герметикалық ыдыстарда тасымалдау.