Алматыда аудан әкімдігі инвесторға кедергі келтірген, деп хабарлайды Halyq Uni.

Қала прокуратурасының мәліметінше, кәсіпорындар үшін өндірістік алаңдар құру бойынша «Aldiyar system» ЖШС инвестициялық жобасы іске асырылып жатыр. Инвестицияның жалпы құны – шамамен 640 млн теңге. Жобаны іске асыру арқылы 20-дан астам жұмыс орны құруға мүмкіндік береді.

Алматы қалалық жоспарлау және урбанистика басқармасы инвесторға нысанның құрылысына сәулет-жоспарлау тапсырмасын беруден негізсіз бас тартқан. Уәкілетті орган қолданыстағы заңнамада қарастырылмаған келісу парағын талап еткен, – делінген прокуратура хабарламасында.

Түркісіб ауданының прокуратурасы әкімдікке қадағалау актісін енгізу арқылы уәкілетті органның заңсыз әрекеттерін тоқтатты. Қазір «Aldiyar system» ЖШС рұқсат құжаттарын алып, инвестициялық жобаны іске асыруға кірісті.