Өзбекстан басшысына арналған хатында не жазылғаны белгілі болды
Қасым-Жомарт Тоқаев Шавкат Мирзиёевті Өзбекстанның Тәуелсіздік күнімен құттықтады, деп хабарлайды Halyq Uni.
Мемлекет басшысы құттықтау жеделхатында Өзбекстанның экономикалық және әлеуметтік даму, халықаралық аренадағы беделін нығайту әрі азаматтардың әл-ауқатын арттыру бағыттарында толайым табысқа жеткенін атап өтті, деп мәлімдеді Ақорда.
Қазақстан президенті ғасырлар бойы жалғасқан достық, тату көршілік және өзара қолдау рухындағы қазақ-өзбек стратегиялық серіктестігі мен одақтастық қатынасты одан әрі жан-жақты дамытуға ниетті екенін растады, – делінген ақпаратта.
Тоқаев Мирзиёевтің жауапты мемлекеттік қызметі табысты болуына және бауырлас өзбек халқының өсіп-өркендей беруіне тілектестік білдірді.