Синоптиктер еліміз бойынша қыркүйекке арналған ауа райының консультативтік болжамын жасады. 

«Қазгидромет» РМК-нің ақпараты бойынша, қыркүйекте республиканың көптеген облысында ауа райы салқын және жаңбырлы болады деп күтіліп отыр. Айдың басында елдің батысында жауын-шашынсыз ауа райы сақталады.

Елдің солтүстік өңірінде жауын-шашын бір ай ішінде жиі жауады. Арасында 1-3 күн қысқа үзілістер болады. Кейбір күндері республика бойынша найзағай, бұршақ және екпінді желмен қатты жаңбыр жауады деп болжанып отыр.

Қыркүйектің бірінші онкүндігінде ауа температурасы төмендегідей болады:

• елдің батысында түнде +8 +15°С, күндіз+23 +30°С шегінде;
• республиканың оңтүстік-батысында түнде +17 +25°С, күндіз +28 +35°С, тек жекелеген күндері – температураның шамалы төмендеуі тіркеледі;
• Ақтөбе облысында ауа температурасының түнде +3+10°С-тан +10+15°С-қа дейін, күндіз +17+25°С-тан +22+27°С-қа дейін ауытқуы күтіледі;
• Қостанай облысында түнде +2+7°С-тан, топырақта +8 +13°С-қа дейін аяз болуы мүмкін, күндіз +10 +18°С-тан +17+25°С-қа дейін жылы.

Қазақстанның солтүстік және орталық өңірлерінде түнде +2+10°С-қа дейін суытады. Топырақта 2°С, күндіз +8+15°С-қа дейін аяз болуы мүмкін, онкүндіктің соңында температуралық фонның шамалы көтерілуі күтіледі.

Республиканың шығысында ауа температурасының түнде +8+16°С-тан +2+7°С-қа дейін ауытқуы күтіледі. Онкүндіктің екінші жартысында аяз болуы мүмкін, күндіз +12+23°С-тан +17+25°С-қа дейін.

Елдің оңтүстігінде, оңтүстік-шығысында ауа температурасының күндіз +22+30°С-тан +17+23°С-қа дейін ауытқуы болжанып отыр.

Қыркүйектің екінші және үшінші онкүндіктерінде республиканың солтүстігінде, орталығында және шығысында ауа температурасы түнде +3 +8°С болады. Жекелеген аудандарда аяз байқалуы мүмкін, күндіз температура +12+19°С-тан +21+26°С-қа дейін өзгереді.

Елдің батысында және оңтүстік аймақтарында ауа температурасы түнде +7+15°С, айдың екінші жартысында топырақ бетінде аяз болуы мүмкін, күндіз ауа температурасының +25+35°С-тан +15+23°С-қа ауытқуы күтіледі.

Қыркүйектің үшінші онкүндігінде солтүстік, орталық және шығыс аймақтарда жаңбыр қарға ұласуы мүмкін.

Бұл консультативтік болжам саналады, оған нақтылау есебінде онкүндік және апталық болжамдар шығарылатынын атап өткен жөн.