Алматы қаласында ерекше қажеттілігі бар балаларға арналған жаңа спорт орталығы салынады, деп хабарлайды Halyq Uni.

Қала әкімдігі баспасөз қызметінің мәліметінше, спорт кешені Райымбек батыр даңғылы, 312 мекенжайында орналасады. Ғимаратта 2 бассейн, сондай-ақ жаттығу мен сауықтыру бөлмелері қарастырылған. Кешен бір ауысымда бірден 144 адамды қабылдауға мүмкіндік береді. Спорт орталығының құрылысы 2025 жылдың 1-тоқсанында басталады әрі жыл соңына дейін аяқталады деп жоспарланып отыр.

Бұған қоса, қаланың Алмалы ауданында 14 жылдан бері жөндеу жұмыстары жүргізілмеген 2 әлеуметтік нысан жаңартылады. Алматы қаласының адам ұрпағын өрбіту орталығының 1-ші блогындағы жөндеу жұмыстары желтоқсан айында, ал 2-ші блогындағы жұмыстар 2025 жылдың наурызында аяқталмақ.

Сонымен бірге биыл желтоқсанда №3 емханаға жөндеу жұмыстары аяқталатыны айтылды. Аталмыш жобаларды іске асыру арқылы аудандағы медициналық және сауықтыру қызметінің сапасын арттыру көзделген.