Павлодарда мемлекеттік мүлік өз бағасынан 10 есе арзанға сатылған, деп хабарлайды Halyq Uni.

Прокуратураның мәліметінше, Мемлекеттік мүлік және жекешелендіру департаменті Павлодар қаласының Шығыс өнеркәсіптік аймағында орналасқан жанар-жағармай сақтауға арналған 5 орын мен ауданы 0,5 гектар жер учаскесі бар 2 қабатты мүліктік кешенді аукционда 8,3 млн теңгеге сатқан.

Бұл ретте прокурорлық тексеру барысында тағайындалған сараптама кешеннің нақты құны сатылған бағасынан ондаған есе артық екенін анықтады, – делінген хабарламада.

Сот прокурордың талап-арызы бойынша сауда-саттық және одан кейінгі сатып алу-сату шарттарын жарамсыз деп таныды.

Қазір меншік иесінің құқығын жою және мүлікті мемлекет меншігіне қайтару бойынша шаралар қабылданып жатыр.