Өрттің себебі анықталып жатыр
Алматы қаласы Алатау ауданында жанармай құю бекетінде көлік өртенді, деп хабарлайды Halyq Uni.
ТЖМ мәліметінше, аудандағы жанармай құю бекеттерінің бірінде газ толтырып жатқан жеңіл көлік жанған.
Мамандар келгенде жалын жанар-жағармай цистернасы мен сорғы қондырғысына шарпыған. Осылайша, жарылыс қаупі туындады.
Аға өрт сөндіруші Эльдар Молдабаев өртеніп жатқан жанармай құю бекетіндегі газ тарату колонкасының крандарын жауып, жарылысқа жол бермеді.
Өрт толық сөндірілді. Зардап шеккендер жоқ. Өрттің себебі анықталып жатыр.