Тоқаев Мажарстан президентін құттықтады
Мемлекет басшысы стратегиялық серіктестіктің дами беретініне сенім білдірді
Фото: akorda.kz
Мемлекет басшысы Мажарстан президентіне құттықтау жеделхатын жолдады, деп хабарлайды Halyq Uni.
Қасым-Жомарт Тоқаев Тамаш Шуйок пен барша мажар халқын ұлттық мерекесі – Әулие Иштван күнімен құттықтады. Қазақстан президенті екі ел арасындағы ынтымақтастықтың деңгейін жоғары бағалап, стратегиялық серіктестік барлық сала бойынша жүйелі әрі нәтижелі түрде одан әрі дами беретініне сенім білдірді.
Қасым-Жомарт Тоқаев Тамаш Шуйоктың барлық игі бастамасына табыс, ал бауырлас мажар халқына бақ-береке тіледі.
