Өрттің себебі анықталып жатыр
Құтқарушылар Шымкент қаласындағы өртті сөндірді, деп хабарлайды Halyq Uni.
ТЖМ баспасөз қызметінің мәліметінше, бүгін Еңбекші ауданында Қапал батыр көшесі бойындағы жеке аумақта орналасқан макулатура қоймасында өрт болған.
Құтқарушылардың жедел әрекеттерінің арқасында 150 шаршы метр алаңда өрт толықтай сөндірілді. Зардап шеккендер жоқ. Өрттің себебі анықталып жатыр, – делінген ТЖМ хабарламасында.
ТЖМ кәсіпкерлерден өрт қауіпсіздігі ережелерін сақтауды сұрайды.