Алматыда атом электр стансасын салу бойынша қоғамдық тыңдау өтіп жатыр, деп хабарлайды Halyq Uni.

Ұйымдастырушылар атом энергетикасы саласындағы жаңа жобалар Қазақстанның экологиялық және экономикалық тұрақтылығын нығайту үшін маңызды қадам екенін атап өтті.  Қоғамдық тыңдаулар барысында атом электр станцияларының экологиялық таза энергия көзі ретіндегі артықшылықтары атап өтілді. Сарапшылар атом электр станциялары жаһандық жылыну мен климаттың өзгеруінің негізгі себептері болып табылатын көмірқышқыл газын, метанды және басқа парниктік газдарды шығармайтынын алға тартты.

Бұл олардың атмосфераға зиянын азайту және декарбонизацияға жету үшін күресте маңызды құрал, — деді  Энергетика министрлігі Атом энергетикасы және өнеркәсіп департаменті директорының орынбасары атап өтті Гүлмира Мурсалова.

Сондай-ақ ол әртүрлі энергия көздерінің экологияға әсері туралы статистикалық деректерді ұсынды. Оның айтуынша, Қазақстанда көмірқышқыл газы шығарындыларының 80% энергетика секторына тиесілі.

Жасыл энергия станцияларын құру арқылы біз көмірқышқыл газының шығарындыларын 70 миллион тоннаға дейін азайта аламыз, - деді министрлік өкілі.  

 Жасыл энергия көздеріне күн, жел, су электр станциялары, сондай-ақ атом электр станциялары кіреді. Сарапшы атом электр станциясының құрылысы алдағы референдумның оң нәтижесі болған жағдайда ғана жүзеге асырылатынын еске салды.

Жария талқылау барысында регламент түсіндірілді - баяндамашылар сөз сөйлегеннен кейін барлық қатысушылар өздерін қызықтырған сұрақтарын қоюға және оларға жауап алуға мүмкіндік алады. Айта кетейік, жария талқылауға сонымен қатар АЭС құрылысына қарсы белсенділер де қатысып жатыр. Еске салсақ, Қазақстанда АЭС салу жоспарланып жатыр. Аталған мәселе бойынша референдум өткізу көзделген. Алматыдағы жария тыңдаулар Қазақстанда есеп бойынша он тоғызыншы рет өткізілді.