Париж Олимпиадасында жүлдеге ілінген 3 спортшыдан COVID-19 анықталды, деп хабарлайды Halyq Uni тілшісі.

Ақпаратты Спорт және дене шынықтыру істері комитеті растады.

Коронавирус 3 спортшы мен 2 бапкерден анықталды. Жалпы спортшыларды тексеру барысында олардың ПТР тесті оң нәтиже көрсетті. 3 спортшы да Париж Олимпиадасында жүлдеге ілінген, - деп жазылған комитеттің баспасөз хабарламасында.

Бүгінде олар оқшауланып, ем-дом қабылдап жатыр.

Олар үйлерінде. Жағдайлары жақсы. Вирус жеңіл формада өтуде. Тезірек сауығып кетулеріне тілектеспіз. Құраманың қалған мүшелері дін аман, - деп жазылған хабарламада.

Айта кетейік, биылғы Олимпиадада Қазақстан құрамасы 1 алтын, 3 күміс, 3 қола медальға ие болған еді.

Алтын медаль

• Елдос Сметов, дзюдо.

Күміс медаль:

• Демеу Жадыраев, грек-рим;
• Нұрбек Оралбай, бокс;
• Нариман Курбанов, гимнастика.

Қола медаль:

• Назым Қызайбай, бокс,
• Ғұсман Қырғызбаев, дзюдо;
• Ислам Сәтпаев пен Александра Ле, нысана көздеу.