Енді Түркияға кірген шетел азаматтарынан саусақ іздері алынады. Бұл туралы елдің ішкі істер министрі Али Ерликая мәлімдеді, деп хабарлайды Halyq Uni Kazinform-ға сілтеме жасап.

Болашақта жүзеге асырылатын маңызды жобаны жариялаған министр Ерликая Түркияға кірудің АҚШ пен Англиядағыдай саусақ іздері арқылы расталатынын хабарлады.

Сондай-ақ министр заң аясында шетелдіктердің Түркияға келуін қамтамасыз ету бойынша атқарылып жатқан жұмыстар туралы мәлімдеме жасады. Оған сәйкес Түркияға тұрақты қалу үшін келген шетелдік азаматтар нотариус арқылы тұруға рұқсат ала алады.

Сонымен қатар елге оқуға келген шетелдік студенттер көші-қон басқармасына бармай-ақ, университет арқылы резидентураға құжат тапсыра алатыны айтылды.