Антикор аса ірі көлемде алаяқтық жасаған Ресей Федерациясының азаматына іздеу жариялады, деп хабарлайды Halyq Uni.

Агенттіктің Шығыс Қазақстан облысы бойынша департаментінің мәліметінше, күдіктіге ҚР ҚК 190-бабының 4-бөлігінің 3-тармағында («Алаяқтық») көзделген ауыр қылмыс жасады деген айып тағылған.

Қапенов Азамат Абайұлы 1978 жылы 12 сәуірде Қырғыз Республикасы Пржевальск қаласында туған. Оған тағайындалған бұлтартпау шарасы – «Қамауда ұстау».

Егер сіз іздестіріліп жатқан азаматтың қайда екені туралы қандай да бір ақпаратқа ие болсаңыз, бізге хабарлауыңызды сұраймыз, – делінген Антикор хабарламасында.

Агенттікке төмендегі нөмірлер арқылы хабарласуға болады:

• кезекші бөлім – 8 (7232) 29-88-88, іздестіру тобы,
• ұялы телефон – 8-708-908-92-79, (немесе электрондық поштаға жазыңыз kb.vko@antikor.gov.kz).

Сыйақы мен анонимділікке кепілдік беріледі.