Бүгін Мәжілісте жаңа премьердің кандидатурасы ұсынылады
Премьер-министр міндетін уақытша атқару Әлихан Смайыловқа жүктелді
![](https://halyq-uni.kz/cache/imagine/1200/uploads/news/2022/01/11/61dcfc7e7885c863729692.jpg)
Бүгін сағат 11.15-те Мемлекет басшысы Қасым-Жомарт Тоқаев Мәжіліс отырысына қатысып, еліміздің жаңа премьер-министрінің кандидатурасын ұсынады.
Сондай-ақ Тоқаев саяси және әлеуметтік-экономикалық салалардағы өзекті мәселелерді шешу бойынша ауқымды баяндама жасайды.
Президенттің қатысуымен өтетін жиынды «Хабар 24» телеарнасы тікелей эфирде көрсетеді.
Еске салайық, 5 қаңтарда Мемлекет басшысы еліміздегі әлеуметтік-экономикалық жағдайға қатысты кеңес өткізіп, Үкіметтің отставкасын қабылдады. Премьер-министрдің міндетін атқару Әлихан Смайыловқа жүктелді.