Астана прокуратурасының мәліметінше, қаланың екі тұрғыны «TikTok» желісінде «Зарик» атауымен құмар ойын өткізіп, одан 34 млн теңгеден астам табыс тапқан, деп хабарлайды Halyq Uni.

Ойынның шартына сәйкес, тікелей эфирге қосылған азаматтар 500-ден 4 мың теңгеге дейінгі мөлшерде белгіленген соманы ұйымдастырушының есепшотына есімін және ұтыс алу үшін жеке телефон нөмірін көрсете отырып жолдауға тиіс. Бір ойын тек екі қарсыластың арасында өтеді. Бәс тігудің жеңімпазы 3 ойын текшесін айналдыру арқылы анықталған. Ең көп ұпай жинаған ойыншы жеңімпаз болған, – делінген прокуратура хабарламасында.

Олар заңнамада белгіленген орындардан тыс жерлерде құмар ойындарын ұйымдастырғаны және өткізгені үшін әрқайсысы 4 жылға бас бостандығынан айырылды.

Үкім заңды күшіне енді.