Алматыда басқарма басшысы жауапқа тартылды
Ол кәсіпкердің қызметіне кедергі келтірген
Фото: Halyq Uni
Алматыда кәсіпкердің қызметіне заңсыз араласқан басқарма басшысы жауапқа тартылды, деп хабарлайды Halyq Uni.
Қала прокуратурасының мәліметіне сәйкес, бизнес өкілінің арызы бойынша Түркісіб ауданының санитарлық-эпидемиологиялық бақылау басқармасының басшысы кәсіпкерді рұқсат құжаттарынан айыру туралы заңсыз бұйрық шығарған.
Қадағалау актісі бойынша аталған бұйрықтың күші жойылып, басқарма басшысы Қазақстан Республикасының Әкімшілік құқық бұзушылық туралы кодексінің 173-бабы бойынша жауаптылыққа тартылды, – делінген прокуратура хабарламасында.
