Астана мен Алматыда 2 млрд теңгенің есірткісі тәркіленді, деп хабарлайды Halyq Uni.

ҰҚК мәліметінше, шілдеде ұйымдастырылған операция барысында 3 ірі есірткі зертханасы жойылған.

Осы қылмысты жасады деген күдікпен 8 қазақстандық ұсталып, соттың санкциясымен қамауға алынды. Тінту кезінде олардан 93 келіден аса синтетикалық есірткі, кристалдану сатысындағы 70 литр мефедрон, сондай-ақ 255 келі прекурсор мен зертханалық жабдықтар алынды,- делінген ҰҚК хабарламасында

Тәркіленген есірткінің қара нарықтағы құны 2 млрд теңгеден асады.

Қылмыстық Кодекстің 297-бабы бойынша сотқа дейінгі тергеу жүргізіліп жатыр.