Екі ел министрлерінің қатысуымен бейнеконференция өтті
Қазақстандық тауарларды Эстония порттары арқылы транзитпен экспорттау мүмкін. Бұл мәселе Қазақстан мен Эстония көлік және инфрақұрылым ведомстволарының басшылары арасында өткен бейнеконференцияда талқыланды, деп хабарлайды Halyq Uni.
Екі ел арасындағы экономикалық байланыстарды нығайтуға және сауда-экономикалық өзара іс-қимылды жақсартуға ықпал ететін көлік маршруттарын дамытуға ерекше назар аударылды.
Кездесу қорытындысы бойынша көлік логистикасы саласындағы ынтымақтастықты одан әрі нығайтуға дайын екендігі айтылды. Бұл Қазақстан мен Эстония арасындағы стратегиялық әріптестікті нығайтуға ықпал етеді.