Атырауда жасөспірім бесінші қабаттан құлап, қаза тапты
Өз-өзіне қол жұмсауға жеткізу дерегімен қылмыстық іс тіркелді
фото: Halyq Uni
Атырауда жасөспірім бесінші қабаттан құлап, мерт болды. Жергілікті полиция басқармасы «өз-өзіне қол жұмсауға жеткізу дерегімен қылмыстық іс тіркелгенін» мәлімдеді.
Қайғылы оқиға 28 шілдеде сағат 06:30 шамасында болған.
Көпқабатты үйлердің бірінің 5-қабатынан құлап қайтыс болған 2009 ж.т., жасөспірімнің өліміне қатысты өз-өзіне қол жұмсауға жеткізу дерегімен қылмыстық іс тіркелді. Кешенді тергеу амалдары жүргізілуде. Өзге ақпарат тергеу мүддесіне сәйкес жарияланбайды, - деп хабарлады ПД.
