Астанада орталық мешіт аумағынан өрт шықты
Өрттің шығу себебі анықталып жатыр
Фото: видеодан скриншот
Астанада орталық мешіт аумағынан өрт шықты, деп хабарлайды Halyq Uni.
ТЖМ баспасөз қызметінің мәліметінше, елордадағы Орталық мешіт ауданындағы жаңа ғимаратта құрылыс материалы жанып кеткен.
Өрт 15 шаршы метр аумаққа тарады. Оны сөндіруге ТЖД күштері жұмылдырылды. Зардап шеккендер анықталмады, – делінген министрлік хабарламасында.
Өрттің шығу себебі анықталып жатыр.
