Дзюдодан Париж Олимпиадасының чемпионы Елдос Сметов жеңісті сәттен кейін қуанышымен бөлісті.

Мен көздеген бар мақсатыма қол жеткіздім. Бүгін мен үшін де, ел спорты үшін де тарихи сәт. Бұл күндер мәңгі жүректе қалады. Мәңгі ұмытылмайды. Өте, өте қуанышта тұрмын. Мен елдің үмітін ақтай алдым, - деді Сметов жарыстан кейін ағынан жарылып.

Сонымен қатар Мемлекет басшысы Қасым-Жомарт Тоқаев Олимпиада чемпионы Елдос Сметовті құттықтады. 

Дзюдошымыз Елдос Сметовті Париждегі Олимпиада ойындарында алтын медаль жеңіп алуымен құттықтаймын! Оның шеберлігі мен қайсарлығының арқасында Қазақстанның туы биікте желбіреді. Елдос мықты қарсыластармен күресте төртжылдықтың басты додаларында топ жарып, әлемнің үздігі атанды. Сіздің жеңісіңіз – біздің бүкіл халқымыздың жеңісі! – деп жазды Мемлекет басшысы Х парақшасында.