27-29 шілде аралығында бір учаске толығымен жабық болады
Астана қаласы көлік және жол-көлік инфрақұрылымын дамыту басқармасы Мәңгілік Ел даңғылы мен Сарайшық көшесінің қиылысындағы көлік айрығында жол төсеміне жөндеу жұмыстарының жүргізілетінін мәлім етті, деп хабарлады елорда әкімдігі.
Қозғалыс 26-29 шілде аралығында толығымен жабылады. Бұл ретте автокөлік қозғалысы оң жағымен бір бағытта ғана («Марал» көпірінен Мәңгілік Ел даңғылына қарай) іске асатын болады.
Сондай-ақ Тәуелсіздік даңғылынан Р. Қошқарбаев даңғылына дейінгі учаскеде Б. Момышұлы даңғылындағы жол төсеміне орташа жөндеу жұмыстары жүргізіледі. Осыған байланысты 27-29 шілде аралығында аталған учаске толығымен жабылады.
Сондай-ақ осы жұмыстар шеңберінде 28 шілдеде (бір күнге) Тәуелсіздік даңғылы мен Б. Момышұлы даңғылының қиылысын жабу жоспарланған.