Түркістан облысының 2 тұрғыны синтетикалық есірткі дайындайтын зертхана ұйымдастырған
Олар 15 жылға дейін бас бостандығынан айырылуы мүмкін
![](https://halyq-uni.kz/cache/imagine/1200/uploads/news/2024/07/22/669dfaeed38a1232404142.jpg)
11 шілдеде Ұлттық қауіпсіздік комитеті прокуратураның үйлестіруімен Түркістан облысында синтетикалық есірткі өндірісі бойынша жасырын зертхананың қызметін тоқтатты, деп хабарлайды Halyq Uni.
Есірткі құралдарының кезекті партиясын дайындау кезінде 2 жергілікті тұрғын ұсталды
Олардан 60 келіден аса психотроптық зат және 2,5 тонна прекурсорлар, сондай-ақ «синтетика» дайындауға арналған жабдықтар алынды.
Қылмыстық Кодекстің 297-бабының 3-бөлігі бойынша сотқа дейінгі тергеп-тексеру жүргізіліп жатыр. Аталған қылмыс үшін 15 жылға дейін бас бостандығынан айыру қарастырылған, – делінген ҰҚК хабарламасында.
Қылмыстық-процестік кодекстің 201-бабының 1-бөлігіне сәйкес өзге де ақпарат жария етілуге жатпайды.