Зеленский соғыс жағдайын ұзартып, мобилизацияны жалғастыруға бел буды
Сондай-ақ ол АҚШ президенттігіне кандидат Дональд Трамппен кездесуге келіскен
![](https://halyq-uni.kz/cache/imagine/1200/uploads/news/2024/07/20/669bf6ebeaffe130079731.jpg)
Украина президенті Владимир Зеленский жақын арада елдегі әскери жағдайды ұзарту және жұмылдыру туралы заң жобаларын Жоғарғы Радаға енгізеді, деп хабарлады депутат Ярослав Железняк.
Алдағы күндері президент Парламентке екі заң жібереді: соғыс жағдайын ұзарту және мобилизацияны жалғастыру туралы, – деп жазды ол Telegram арнасында.
Железняк Украинадағы әскери жағдай 2024 жылдың 11 тамызына дейін күшінде екенін еске салды. Сондай-ақ ол заң жобалары бойынша дауыс беру келесі аптада – 22-25 шілдеде өтуі мүмкін екенін айтты.
2024 жылдың 9 қарашасына дейін тағы да (ұзартылған) 90 күн болуы мүмкін. Бұл – әскери жағдай туралы Раданың 12-ші дауыс беруі, - деп түйіндеді сөзін депутат.
Бұдан бөлек, Sputnik радиосы Зеленскийдің АҚШ президенттігіне кандидат Дональд Трамппен кездесуге келіскенін хабарлады.