Аптап ыстық: Жұмаға арналған ауа райы болжамы
Күндіз Атырау, Маңғыстау, Батыс Қазақстан облыстарында қатты ыстық күтіледі
![](https://halyq-uni.kz/cache/imagine/1200/uploads/news/2024/07/19/6699e52430276155336497.jpg)
«Қазгидромет» РМК 19 шілдеде болатын қауіпті метеорологиялық құбылыстарға болжам жасады.
Баяу жылжитын оңтүстік циклон және онымен байланысты атмосфералық фронтальды бөлімдер елдің басым бөлігінде ауа райының тұрақсыз сипатын сақтайды, найзағаймен, бұршақпен және қатты желмен жаңбыр жауады. Солтүстікте, шығыста, орталықта, оңтүстік пен оңтүстік-шығыстың таулы, тау бөктерінде қатты жаңбыр күтіледі. ҚР солтүстігінде, оңтүстік-батысында және орталығында түнде және таңертең тұман түседі.
Күндіз Атырау, Маңғыстау, Батыс Қазақстан облыстарында қатты ыстық күтіледі. Атырауда, Батыс Қазақстан облысының батысында, солтүстігінде, Жамбыл облысының солтүстік-батысында, шығысында, Ақтөбе облысының оңтүстік-батысында, Павлодар облысының солтүстігінде, шығысында, Абай облысының шығысында, Ұлытау облысының батысында жоғары өрт қаупі сақталады, - деп жазды ведомстводан.
Маңғыстау облысында, Атырау облысының оңтүстік-шығысында, солтүстік-батысында, солтүстігінде, Қостанай облысының оңтүстігінде, Түркістан облысының солтүстігінде, шөлді аудандарында, Қызылорда облысының орталығында, оңтүстігінде төтенше өрт қаупі бар.
Маңғыстау, Атыраудың оңтүстік-шығысында, Қостанайдың оңтүстігінде, Түркістанның шөлді аудандарында, орталығында, Қызылорда облысының оңтүстігінде, Жамбыл облысының батысында төтенше өрт қаупі сақталады.