Отар-Алматы учаскесінде жолаушылар пойызы рельстен шығып кетті
Құрбан болғандар мен зардап шеккендер жоқ
![](https://halyq-uni.kz/cache/imagine/1200/uploads/news/2024/07/09/668d6817b9cb9642496254.jpg)
Бүгін Шилібастау станциясында №4 «Астана – Алматы-2» жолаушылар пойызы рельстен шығып кетті, деп хабарлайды «Қазақстан темір жолы» компаниясы.
Компанияның мәліметінше, құрбан болғандар мен зардап шеккендер жоқ.
Отар-Алматы учаскесінде туындаған техникалық себептерге байланысты №4 «Астана-Алматы-2» пойызының қозғалысы тоқтатылды.
Осы жағдайға байланысты, №4 «Астана-Алматы-2» пойызының жолаушылары басқа пойызға көшірілген.
Жолаушыларды стандартты вагондардан құралған №504/503 «Алматы-2-Отар-Алматы-2» бір реттік пойызы тасымалдайды. Осы пойыздың жолаушыларына багажды және жүктерді тасымалдау ережелеріне сәйкес айырма төленеді, - делінген хабарламада.
Компания уақытша қолайсыздықтар үшін жолаушылардан кешірім сұрайды. Жолаушылар пойыздарының қозғалыс кестесі бойынша ақпаратты «1433» нөмірі арқылы алуға болады.