Жер ресурстарын басқару комитеті арнай тексеру жүргізді
Алматы облысында 8 мың гектар ауыл шаруашылығы мақсатындағы жер мемлекетке қайтарылды, деп хабарлады Halyq Uni тілшісі.
Жер ресурстарын басқару комитеті Алматы облысындағы жерлерді үйлестіруге қатысты тексеру жүргізді. Оның барысында жалпы көлемі 8 мың гектар жайылымдық жер учаскелерінің заңсыз берілгені анықталды. Оның ішінде 6 мың гектар Жамбыл, 2 мың гектар Балқаш ауданына тиесілі. Жер учаскелері Жер кодексінің 43-1-бабын бұза отырып берілген.
Аумақтық департаменттің талап арызы бойынша Алматы облысының мамандандырылған ауданаралық экономикалық сотының шешімімен жер учаскесін уақытша өтей отырып пайдалану туралы үлгілік шарттар жарамсыз деп танылды, – делінген министрлік хабарламасында.
Жер телімдері мемлекет меншігіне қайтарылды.