Дрондар шоуы: Астанада арнайы автобустар жүреді
Бірнеше көшеде көлік қозғалысы шектеледі
![](https://halyq-uni.kz/cache/imagine/1200/uploads/news/2024/07/05/6687c3a9cdf8a907795857.jpg)
6 шілдеде Астанада дрондар шоуының өтуіне байланысты арнайы автобустар жүреді, деп хабарлады елорда әкімдігі.
Ертең қала күніне орай сағат 18:00-де ЭКСПО аумағында Open air мерекелік концерті өтеді. Одан кейін сағат 22:15-те (22:30) ASPAN дрон шоуы ұйымдастыралады.
Қала тұрғындары мен қонақтарының ыңғайлылығы мен қауіпсіздігі үшін Ұлы дала даңғылы – Түркістан – Тұрар Рысқұлов – Ақмешіт көшелерінде қозғалыс шектеледі.
Елордалықтар шектеуді ескеріп, сапарын алдын ала жоспарлауы қажет.
Қала көшелерінде кептеліс тудырмас үшін көлікті пайдаланбаған жөн. Сондықтан елорда әкімдігі 2 тегін автотұрақ дайындады.
Жүргізушілер оған жеке көлігін қалдырып, концерт өтетін жерге арнайы автобустарпен (Shuttle Bus) бара алады.
Іс-шара аяқталғаннан кейін автобустар ниет танытқан тұрғындарды автотұраққа жеткізіп тастайды.
Арнайы автобустар жүретін жерлер:
- Бас мешіт тұрағы (Мәңгілік Ел көшесі, 65),
- «Барыс Арена» тұрағы (Тұран даңғылы, 57).
Бұған дейін Астанада дрондар шоуы өтетіні хабарланған еді.