Шавкат Мирзиёев саммитке қатысу үшін Астанаға келді
Өзбекстан басшысын Премьер-министр Олжас Бектенов қарсы алды
![](https://halyq-uni.kz/cache/imagine/1200/uploads/news/2024/07/03/668537bc9fa97935534450.jpg)
Шавкат Мирзиёев ШЫҰ саммитіне қатысу үшін елордаға келді, деп хабарлайды Halyq Uni тілшісі.
Шанхай ынтымақтастық ұйымының саммитіне қатысу үшін Қазақстан астанасына келген Өзбекстан Президентін әуежайда Премьер-Министр Олжас Бектенов қарсы алды, деп мәлімдеді Үкіметтің баспасөз қызметі.
Өзбекстан – 2001 жылы ұйым құрылғаннан бері ШЫҰ-ға қатысушы елдің бірі. Бүгінгі таңда Өзбекстан – Қазақстанның ірі сауда серіктестерінің бірі, – делінген ақпаратта.
Өткен жылы екі ел арасындағы тауар айналымының көлемі шамамен $4,5 млрд құрады. Бұл ретте биылғы 4 айда өзара сауда $1,2 млрд-қа жетті. Біздің республикамыздың Орталық Азиядағы барлық тауар айналымының шамамен 57%-ы Өзбекстанмен байланысты.
3-4 шілде күндері елордада Шанхай Ынтымақтастық Ұйымының саммиті өтеді. Оған 15 ел мен бірқатар халықаралық ұйым басшылары мен өкілдері қатысады.