Қызылордада қалалық орталық емханадан өрт шықты
Өрттен зардап шеккендер жоқ
![](https://halyq-uni.kz/cache/imagine/1200/uploads/news/2024/07/01/668226a324d44529730934.jpeg)
Қызылорда қаласында қалалық орталық емханадан өрт шықты, деп хабарлады ТЖМ.
Төтенше жағдайлар қызметіне сағат 2.20-да З.Шүкіров көшесі бойында орналасқан қалалық орталық емхананың 2-ші қабатынан өрт шығуда деген шақырту түсті.
Өртке қарсы қызметінен оны сөндіруге 26 қызметкер жұмылдырылды. Барлау жұмысы нәтижесінде орталық емхананың 2-ші қабатындағы бөлме ашық жалынмен жанып жатқаны анықталды. Өрт 2.43-те толық сөндірілді. Өрттен зардап шеккендер жоқ, - деп мәлім етті Қызылорда облыстық төтенше жағдайлар департаментінен.