Қазақстанда жасанды интеллект ұлттық орталығы ашылады. Бұл туралы Президенттің кеңесшісі Қуанышбек Есекеев мәлімдеді, деп хабарлайды Halyq Uni тілшісі.

«Жақында біз Цифрлық даму, инновациялар және аэроғарыш өнеркәсібі және Astana Hub әріптестерімен бірге елімізде жасанды интеллектті дамыту тұжырымдамасы шеңберінде деректерді өңдеу орталығы мен суперкомпьютер салу жобасы бойынша жұмыс тобының отырысын өткіздік. Бұл платформаның мақсаты – Қазақстан экономикасын дамыту үшін технологияларды тиімді енгізу және AI әлеуетін барынша толық пайдалану. Осы тұжырымдама аясында AI ұлттық орталығын ашу жоспарлануда. Жобаның миссиясы - алдағы жылдары еліміздің AI трансформациясын жүзеге асыру», – деп жазды әлеуметтік желіде Есекеев.

Оның айтуынша, AI-дің ұлттық экономика мен қоғамға интеграциясы - тұрақты дамуды сақтаудың және болашақтың сын-қатерлеріне дайындалудың қажетті шарты болып саналады. Мемлекеттің AI ұлттық орталығын ашу жөніндегі жоспарлары - білім беру, инфрақұрылымды дамыту, венчурлық инвестициялар, сондай-ақ IT шешімдерінің экспортын қолдау саласындағы бірқатар негізгі бастамасын қамтиды. Осы жоба аясында келесі бастамаларды қамтитын жол картасы әзірленді:

• AI саласындағы негізгі жобалар мен зерттеулерде ынтымақтасу үшін білім беру мекемелерін, зерттеу зертханаларын, стартаптар мен технологиялық мекемелерді біріктіретін AI кампусы;
• YNOV, 01EduSystem және Tumo мектептерінің озық тәжірибесін ескере отырып әзірленетін оқу бағдарламаларын қолданып, оқушылар мен студенттер арасында AI мамандарын даярлау;
• Оқу курстары, шеберлік сабақтары және желілік іс-шаралар арқылы AI қауымдастығын дамытуға үлес қосатын P2P академиясын ашу.

«Бұл бастамалар Қазақстанда инновациялық дамуға, білім мен оқыту деңгейін арттыруға, сондай-ақ жаһандық AI индустриясындағы еліміздің позициясын нығайтуға ықпал ететін тұрақты AI экожүйесін құруға бағытталған», – деп түйіндеді кеңесші.

Face ID, цифрлық кодекс пен жеке деректерді қорғау: Қазақстанда жасанды зиятты заңмен реттеу керек пе? «Басқа адамның кейпіне еніп, дауысын өзгерте алады». Алаяқтықтың жаңа түрі кең тарап жатыр.