×

Абайсызда адам өлтірген жасөспірімге қатысты сот үкімі өзгерді

Апелляция айыптауды үкімін қайта қарады

 Динара Амантай 27.06.2024 | 12:43
фото: Астана соты

Абайсызда адам өлтірген жасөспірімге қатысты сот үкімі өзгерді, деп хабарлады Halyq Uni тілшісі.

Кеше апеляциялық сот алқасы құрамында төрағалық етуші – төраға Т.Ибрашев, судьялар Е.Құптанбаев, Б.Ниязов абайсызда адам өліміне себепкер болған кәмелетке толмаған балаға қатысты қылмыстық іс қаралды.

Өткен жылдың 25 маусымында 15 жасар сотталушы кешкі сағат жеті шамасында Қонаев қаласының демалыс аймағының алдында болған жанжал кезінде жәбірленушінің жағынан оң қолымен бір рет ұрған. Соңғысы соққыдан жерге құлап, есінен танып қалған. Бұл ретте сот анықтағандай, жәбірленуші айыпталушының соққысынан емес, өз бойының биіктігінен құлауынан және басын жерге соғудан ауыр дене жарақатын алғаны анықталды.

2023 жылдың 21 шілдесінде жәбірленуші алған жарақаттан, кома күйінен шықпай, қайтыс болды. Алматы облысының кәмелетке толмағандар істері жөніндегі мамандандырылған ауданаралық сотының 2024 жылғы 26 сәуірдегі үкімімен ҚК-нің 106-бабының 3-бөлігі бойынша бас бостандығынан айыруға 6 жыл 8 ай жаза тағайындалды.

Сотталушының кінәсі ҚК-тің 104-бабының 1-бөлігі («Абайсызда қазаға ұшырату») куәгерлердің айғақтарымен, сот сараптамаларының қорытындыларымен және оқиғаның бейнежазбасымен толық дәлелденген.

Апелляциялық сот алқасының 2024 жылғы 26 маусымдағы қаулысымен Алматы облысының кәмелетке толмағандар істері жөніндегі мамандандырылған ауданаралық сотының үкімі өзгертілді.

Т.- ның әрекеттері қылмыстық кодексінің 106-бабының 3-бөлігінен 104-бабының 1- бөлігіне қайта сараланып, 1 жыл 6 айға бас бостандығынан айыру түріндегі жаза тағайындалды, Т. жазасын кәмелетке толмағандарды ұстау үшін орташа қауіпсіздік қылмыстық-атқару жүйесі мекемелерінде жазасын өтейді, – делінген сот хабарламасында.

Өндіріп алынған моральдық зиян өтемақысының мөлшері 10 млн-нан 3 млн теңгеге дейін төмендетілді.

Серіктес жаңалықтары

Сараптама