Қарағанды облысында алименттен жалтарған әке қылмыстық жауапкершілікке тартылды
Ол мәжбүрлі еңбекке тартылды
![](https://halyq-uni.kz/cache/imagine/1200/uploads/news/2024/06/25/66b0d663d0b78730220554.jpeg)
Қарағанды облысы Осакаров ауданының прокуратурасы өткізген тексеру нәтижесінде кәмелетке толмаған балаға төрт жыл бойы алимент төлеуден жалтарған адамды анықтады, деп хабарлады Halyq Uni тілшісі.
Ведомство өкілдерінің мәліметінше, салдарынан 3 миллион теңгеден астам қарыз жиналған.
Прокуратураның қадағалау актісі бойынша полиция Қазақстан Республикасы Қылмыстық кодексінің 139-бабы бойынша сотқа дейінгі тергеу бастады. Сот барысында сотталушы өз кінәсін толық мойындады, – делінген прокуратура хабарламасында.
Кәмелетке толмағандардың істері жөніндегі мамандандырылған ауданаралық соттың үкімімен борышкер, пробациялық бақылау белгілеп және мәжбүрлі еңбекке тарта отырып, бас бостандығын шектеу жазасына сотталды.