Өскемен қаласында алып қойма өртенді
Кондитерлік өнімдер жанған
![](https://halyq-uni.kz/cache/imagine/1200/uploads/news/2024/06/25/667a365496289606377291.jpeg)
Өскеменде ірі қойма өртенді. 1500 шаршы метрді шарпыған жалынды ауыздықтауға пойыз тартылған.
Бүгін Қазақстанның шығысында өрт сөндірушілер ангар үлгісіндегі қоймадағы өртпен арпалысты.
Алдын ала мәлімет бойынша, Өскемен қаласында кондитерлік өнімдер жанған.
Түнгі 12-ден өткенде ғана тілсіз жауды өшіру мүмкін болды.
Оны ауыздықтауға ШҚО төтенше жағдайлар департаментінен 16 техника, 40-тан астам адам, сондай-ақ Қазақстан темір жолының өрт сөндіруші пойызы жұмылдырылған.
ШҚО ТЖ департаментінің бастығы Рашид Бляловтың айтуынша, ешкім зардап шекпеген.
Өрттің алдын ала себебі — құрылыс-монтаждау жұмыстарын жүргізу кезінде өрт қауіпсіздігі техникасын сақтамау.