Путинцева WTA 250 турнирінің жеңімпазы атанды
Финалда теннисші Аустралияның өкілі Айла Томляновичті 6:1, 7:6 (8) есебімен жеңді
![](https://halyq-uni.kz/cache/imagine/1200/uploads/news/2024/06/24/667900e29e2b1756799135.jpeg)
Теннисші Юлия Путинцева Ұлыбританияның Бирмингем қаласында өткен WTA 250 турнирінің жеңімпазы атанды.
Финалда теннисші дүниежүзілік рейтингте 190-орында тұрған Аустралияның өкілі Айла Томляновичті 6:1, 7:6 (8) есебімен жеңді.
Бірінші партияда Путинцева 3 брейк жасап, партияны 6:1 есебімен аяқтады. Екінші партияда да ол 2:0 есебімен алға шыққанмен, қарсыласы дес бермеді. Енді Айла Томлянович 5:3 есебімен алға шықты.
Дегенмен Юлия Путинцева таразы басын теңестіріп, тай-брейкте 7:6 (10:8) есебімен басым түсті.
Осылайша, Путинцева алғаш рет көгал төсенішіндегі WTA турнирінде топ жарды. Бұған дейін ол 2019 жылы Нюрнберг, 2022 жылы Будапешт додасында жеңімпаз атанған еді.
Путинцева енді Бад-Хомбург WTA 500 турнирінде бақ сынайды.